Inscrición de fanzines no Autobom 2024
Autobom é a edición de primavera do Autobán, e ten vontade de ser un encontro entre a xente que se dedica e goza coa autoedición gráfica e a BD alternativa.
Este ano o Autobom estará cheo de charlas, faladoiros, obradoiros e actividades diversas que se desenvolverán o venres 10 de maio en distintas localizacións, e o sábado 11 na Revolteira.
Durante todo o sábado 11 haberá un posto de fanzines común xestionado pola xente da Asociación Cultural Autobán. Podes inscribirte cubrindo o formulario.
Data límite: 23:59 horas do domingo 21 de abril de 2024.
Formulario de inscrición pechado pasada data límite.
Podes contactar co Autobán e formular dúbidas, rogos ou preguntas escribíndonos a autoban.bd@mail.com
BASES DA CONVOCATORIA
Se te inscribes no formulario terás que cumprir as bases da convocatoria.
Como participar no posto comun de fanzines
Debes inscribirte no formulario.
Pecharemos a convocatoria o domingo 21 de abril, e nun par de días comunicarémosvos a nosa resolución positiva ou negativa.
Se a túa inscrición é aceptada, só terás que achegarnos os teus fanzines o sábado 11 ás 10:30, e recollelos ás 21:30, cando rematen as actividades; levarás as túas ganancias e os excedentes.
A participación nestas actividade é libre e gratuíta.
Quen pode participar no posto común de fanzines?
A nosa intención é dar cabida ás propostas de BD autoeditada, pero tamén a pequenas iniciativas editoriais de corte independente e a propostas de autoedición relacionadas coa creación gráfica.
Aínda que procuraremos incluír todas as iniciativas que poidamos, o noso espazo é limitado, e teremos que facer unha selección seguindo criterios o máis obxectivos posible.
Cando e onde será o posto común de fanzines?
O Autobom desenvolverase o venres 10 e sábado 11 de maio de 2024, pero o posto común de fanzines e a maioría das actividades celebraranse na Revoteira (Rúa Faperra 13) ao longo do sábado 11.
Cales son as responsabilidades dos participantes?
É responsabilidade dos participantes achegar os seus fanzines o sábado 11 ás 10:30, e recollelos ás 21:30, cando rematen as actividades.
