Club de Debuxo Dixitbán

Debuxemos unha baralla de Dixit!

Febreiro é un mes perfecto para os xogos de mesa... Con tanto frío e tanta chuvia apetecen os plans de interior! O próximo sábado 22 propoñémosvos que debuxedes con nós unha baralla de Dixit. O Club de Debuxo consistirá en realizar unha serie de ilustracións en formato carta (de 8 x 12cm) para despois xogar con elas.

A mecánica do Dixitbán explicarase detalladamente o día do clube de debuxo, en realidade será idéntica á do xogo orixinal só que empregando as nosas propias ilustracións. Non precisades saber xogar previamente, pero se tedes curiosidade podedes consultar as regras do xogo nesta ligazón.

Para configurar unha baralla uniforme proporcionarase unha plantilla de carta a cada asistente, polo que o único que precisades traer é o voso material de debuxo favorito e unha libreta para facer os esbozos. O taboleiro e as pezas do Dixit tamén os poñemos nós.

A quedada será o sábado 22 de febreiro ás 18h no MALTE Atochas (Praza das Atochas 8)

IMPORTANTE: a fin de saber canto espazo e materiais precisaremos, agradecemos que enchades o seguinte formulario…