O Autobán cumpre os 10 anos na súa 10ª edición.
O Autobán 2024 celebrouse o 16 e 17 de agosto de 2024 en dúas localizacións
O festival coruñés de cómic autoeditado acadou este agosto a súa décima edición, despois de nove quendas de verán, e unha edición en liña por mor da pandemia.
Máis de oitenta creadoras e creadores inscritos puxeron á venda as súas novidades no encontro, que ademais contou con obradoiros, concertos, presentacións, edicións exclusivas, mostras e o célebre Combate de Debuxantes.
José Domingo foi o autor da imaxe do primeiro Autobán, e volve debuxar o cartel neste 10º aniversario do Autobán.
Produtos do Autobán
Podes mercar a cami do 2024 ou do 2023, e na sección Descargas facerte cos Autozines.
Venres e sábado
16 e 17 de agosto de 2024
—
Circo de Artesáns
Praza de San Andrés
VENRES 16 no Circo de Artesáns
O primeiro día de Autobán estivo dedicado a actividades máis lúdicas para dar a coñecer ás persoas participantes nesta edición do festival.
Comezamos ás 17:30 coa cerimonia de entrega do I Premio Autobán ao Mellor Fanzine Galego.
Ás 18:00 iniciouse o Autobombo, unha serie de micropresentacións multimedia dunha vintena dos proxectos que participaron neste Autobán.
Cara ás 19:30 gozamos dun evento de hostilidade ilustrada, o sonado Combate de Debuxantes: oito artistas improvisando debuxos en roldas sucesivas, votadas polo público até dar cun vencedor.
+20 presentacións no Autobombo
8 contendentes no Combate
+80 participantes no Mercado
SÁBADO 17 na Praza de San Andrés
O Mercado de Autoedición ofreceu a oportunidade de amosar e vender o seu material a autores e autoras, colectivos, proxectos de autoedición e microeditoriais. Este ano contamos con máis de 80 propostas vidas de toda a Península.
Houbo música en directo cun concerto de Conxita Herrero e Corazón, e tamén tivemos DJs amenizando a sesión de tarde. Ademais ofrecemos dous obradoiros creativos de entrada libre.
As persoas asistentes puideron desfrutar de opcións culinarias de Café Olimpia e A Parva, e dunha barra ao cargo de Malte.
Patrocinan
Colaboran
